Podcast: Play in new window | Download
في هذه الحلقه:
- عبدالله الخريف
- عبدالله الدريعان
- ابراهيم السحيباني
- فهد الباز
- فهد السحيباني
- مازن الضراب – قناة حركات
- سلطان الفقير
سلطان الفقير شاب سعودي طموح جدا و عصامي جدا يمتلك روح جميله و “راعي سوالف” يشدك باسلوبه وطريقة طرح افكاره. كون نفسه من الصفر، ابتدا كموظف عادي وانتهى الى صاحب شركه تحمل داخلها الكثير والكثير من الابداع. صدقوني هذي الحلقه كان من الممكن تمتد لساعات و ساعات بسبب كمية الطواري اللي ممكن تكون فيها ولكن اضطرينا نختصر قد مانقدر، تكلمنا في الحلقه عن:
- سلطان الفقير ايام الدراسه
- بداية حياته العمليه
- وظيفه ٥ اشهر بدون راتب!!
- علاقته مع الشباب الكاشخين في الفيصليه!
- تاسيسه لشركة سعودي كاستنق
- شركة سدو .. من وين جا الاسم .. وليش؟!
- وغيرها الكثير
يؤكد سلطان لجميع الشباب الراغبين ببدئ مشاريع جديده ويرغبون بالاستفاده من خبرات سلطان ودعمه كما وعد في نهاية الحلقه بانه على اتم الاستعداد على بذل مايستطيع لدعمهم. يرجى التنسيق مع الاخ سلطان عبر القنوات التاليه:
- البريد الالكتروني: sultan@saudicasting.com
- تويتر: @sultanfakeer
اتمنى تعجبكم الحلقه واعذرونا عالقصور.
يعطيكم كل عافيه .. الأخ سلطان والخريف والضراب والسحيباني فاميلي والدريعان والباز .. شي جميل ان مازن معكم ، وكنت منتظرة الحلقة من يوم الجمعه يوم يقول مازن انا احضر التسجيل، الحمدلله ما طولتوا كثير، نحملها ونسمعها ونقولكم راينا
الغع يعطيكم العافية
*الله
تنفع تطلع في اعلان
جميله جداً .. والحلقه كانت خفيفه الدسم .. :p
معلومات كثيره كسبته ،
السلام عليكم .. سمعنا الحلقه جدا مفيده واستغليتوا الوقت بشكل ممتاز صراحه
ماحسيت انه في اطاله في أجزاء أو تقصير في اجزاء أخرى والأخ سلطان ما قصر تكلم عن كل شي وعطاه حقه ..
على طاري المواهب والدعايه والإعلان عندي سؤال: الآن مرات يطلع اعلان في الجرايد عن تجارب اداء للمواهب من قبل ممثل معين، ايش مدى مصداقية هالإعلانات؟ وهل الإعلانات تخضع لرقابة بحيث ما يكون في إعلان كاذب؟ لأن زميلي في العمل قاللي قصه عن اعلان لقاه في الجريدة ان واحد من الممثلين ناسيه اسمه، الحياني الظاهر، كان منزل اعلان باسمه في الجريدة عن تحربة اداء للبحث عن مواهب تمثيل وحاطين موقع ووقت وكل شي.. وزميلي هذا وسيم جداً وله كاركتر مميز وخفيف دم بطريقة عجيبة ودايم نقوله استغل هالشي في التلفزيون او الاعلانات، المهم قال انه لما راح انتظروا ساعات هو ومجموعة كبيرة من الناس عند المكان المذكور بالإعلان وجا السيكيوريتي وقالهم ترا لاعبين عليكم ماحد جا ولا في تجارب أداء ولا شي ..
وقاللي زميلي ان هالمجال في نصب كثير خصوصاً في مسألة البحث عن كاستنغ، يعني يلعبون عالنّاس كثير
الحين، انا اقدر انزل اعلان باسم سعودي كاستنغ يا اخ سلطان في الجريدة من غير ما يتأكدون من كل شيء ومن صدق الإعلان؟ ولا ببساطة الممثل هوّن وسحب عليهم في الحادثة المذكورة أعلاه؟
وشكراً
مادري كأنو يتكلم الانجيزية بثقل
صح نسيت أقول بالنسبة لعبدالله الدريعان والإعلانات أنا أأيد جدا يطلع بإعلان لأن أمي لما شافت صورته مره قالت هذا عنده كاركتر واضح جداً .. وحتى كنت أوريها عمر العريفي أقولها صوره رسميه جدا قالت لا هذا ما ينعرفله، وأشرت على عبدالله وقالت هذا الي ينعرفله مره واضحه شخصيته
الله يعطيكم العافيه جميعا .. ردودكم و تواصلكم الدائم معنا هو الدافع اللي نعتمد عليه عشان نستمر
@اسراء يوسف: راح احرص ان سلطان يجي هنا و يرد عليك
@amjad: صادق (لو كنت امجد) و صادقه (لو كنتي امجاد) .. ا انتبهت لهالنقطه وقت التسجيل ولكن لاحظتها وقت المونتاج .. نعتذر بشده
@اسراء يوسف: هههههههههههههههههه لا كذا كثير صراحه .. الله يخليلك الوالده ويخليكم لها
ماشاء الله حلقة خفيفه ومرحه
واستفدت الكثر منها واخذت اخبار سلطان ومسيرته الناجحه بإذن الله بما اني من زمان عنه وعن اسواليفه
موفقين جميعا
أكثر ما أعجبني في الحلقة.. رجعة إبراهيم السحيباني للبودكاست..
أنا كنت أتمنى إنكم تفردون له حلقة خاصة فيه وتخشرونه فيها وأنا خابر ابوخريف مهوب مقصر في مثل هالأمور
بخصوص الدريعان أنه ينفع يطلع في إعلان .. ينفع بقوة خصوصاً إذا كان إعلان صوتي فقط , ماشاء الله طبقة صوته لها وقع رائع على الأذن
اجمل مافي هالحقلة جو بيئة العمل عند سلطان الفقير، الله يوفقه
بالنسبة لعبدالله الدريعان انا من المؤيدين انه يطلع في اعلان :d