مواضيع مقترحة للحلقة الثانية من بودكاست على طاري
مثل ماقلنا في الحلقة التعريقية للبودكاست باننا راح ننزل مواضيع مقترحة للنقاش قبل تسجيل البودكاست بـ 3 ايام, الهدف اننا نتناقش في هذي المواضيع هنا قبل ما نسجل, ناخذ تعليقاتكم و آرائكم عن هذي المواضيع وممكن نناقشها في الحلقة. في نفس الوقت من الممكن تقترحوا علينا مواضيع جديدة أو شخصيات نستضيفها في الحلقة.
ثلاث مواضيع مقترحة لهذا الاسبوع:
المعرض الدولي للتعليم العالي, راح نتكلم عن اهداف وزارة التعليم العالي من هذا المعرض وكيف كان المعرض فعليا وايش التوقعات من بعد هذا المعرض.
الـ iPad آخر اختراعات شركة Apple راح نشوف آراء الشباب عنه.
تم هذا الاسبوع الاعلان عن الترشيحات لجوائز الاوسكار لهذي السنة, راح نشوف ايش الترشيحات وايش آراء الشباب في البودكاست وارائكم يامتابعينا. تلقون الترشيحات في موقع الاوسكار الرسمي
في الاخر, الفكره الاساسية من هذا الموضوع ونزولة في هذا الوقت من كل اسبوع, انكم تتفاعلون معانا, تعطونا ارائكم عن هذي المواضيع وممكن نقتبس منها خلال التسجيل. وفي نفس الوقت اذا عندكم اي مواضيع ثانيه تقترحوها أو شخصيات نستضيفها برضو نتمنى نسمع منكم.
البودكاست ماراح يحتوي بس على هذي المواضيع, هذي مواضيع رئيسيه راح نتشعب منها الى طواري كثيير.
